طبلون محلك، قدام عينك وين ما كنت.
طبلون نظام ذكي متكامل لإدارة مغاسل السيارات ومراكز خدمة السيارات في السعودية، من التلميع والتظليل إلى ورش الصيانة. يجمع التشغيل والحسابات والولاء في نظام واحد، ويربط كاميرات ذكية تعدّ السيارات وتقرأ لوحاتها، عشان تعرف كل سيارة وكل ريال. باشتراك يبدأ من 149 ريال شهرياً للفرع.
نظام ذكي واحد، يمسك خمسة أشياء في محلك
مبني على السيارة نفسها: لوحتها وزياراتها وفواتيرها وضماناتها في ملف واحد. مو نظام حجوزات أو كاشير مطاعم معدّل للمغاسل.
التشغيل
- الكاشير من الجوال أو الآيباد
- ملف لكل سيارة باللوحة أو الجوال
- طابور السيارات وحالة كل وحدة
- دخل كل عامل
الحسابات
- الفاتورة الإلكترونية، المرحلة الثانية
- المصروفات بصور فواتيرها
- الأرباح لكل فرع
- الإقرار الضريبي والرواتب
الولاء
- أختام ونقاط وكاش باك
- اشتراك شهري على اللوحة
- زبونك يجيب لك زباين جدد
- طلب تقييم قوقل بعد كل خدمة
السيطرة
- تقرير آخر اليوم على جوالك
- إقفال الوردية بالعدّ الأعمى
- مقارنة الفروع
- متى فتح المحل ومتى سكّر
الأمان
- كاميرا تعدّ السيارات وتطابقها بالفواتير
- تنبيه السيارة بلا فاتورة
- تنبيه سيارة بعد التسكير
- الفيديو يبقى في محلك
بقيمة تطبيق الولاء، تاخذ نظام يمسك كاشيرك وحساباتك
تطبيق الولاء تدفع له حوالي 1,500 ريال في السنة، ويعرف إن العميل جا. ما يعرف كم دفع، ولا كم سيارة انغسلت وما انسجلت، ولا كم صرفت هالشهر. طبلون فيه الأختام، ومعها كل اللي يدير محلك.
| اللي تحتاجه | تطبيق الولاء | طبلون |
|---|---|---|
| أختام الولاء | نعم | نعم |
| نقاط وكاش باك واشتراك شهري | لا | نعم |
| الكاشير والفاتورة الإلكترونية | لا | نعم |
| عدّ السيارات ومطابقتها بالفواتير | لا | نعم |
| المصروفات والأرباح والإقرار الضريبي | لا | نعم |
| رواتب العمال وإقفال الوردية | لا | نعم |
| ملف لكل سيارة وضماناتها | لا | نعم |
| الاشتراك السنوي | حوالي 1,500 ريال | من 1,490 ريال |
اكسب زبونك الدائم من يوم يوقف موتره
أختام، أو نقاط، أو كاش باك، أو اشتراك شهري. تختار اللي يناسب محلك. والعميل ما يحمل شي: الكاميرا تعرفه من اللوحة، أو الكاشير من رقم جواله.
- شاشة عند الدخول ترحب فيه باسمه.
- رسالة بعد الغسلة: «باقي لك غسلتين على المجانية»، ومعها طلب تقييمك في قوقل.
- كل عميل له رابط يرسله لربعه، ولما يجون منه ياخذون الاثنين هدية تحددها أنت.
- عرض الظهر الميت يوصل المسجلين بس.
- العميل اللي غاب، يوصله عرض باسم سيارته.
شغل للوقت الميت، وترتيب لوقت الزحمة
كل مغسلة لها ساعات تقعد فيها طافية، وساعات تنخنق فيها. طبلون يعرف ساعات محلك من فواتيرك وكاميرتك، ويشتغل في الاثنين: يجيب لك عملاء وقت الركود، وينظّم لك الدور وقت الذروة.
الوقت الميت: طبلون يجيب لك الشغل
- يطلّع لك ساعات الركود من شغلك الفعلي، مو تخمين.
- بضغطة، يرسل عرض للعملاء المسجلين: «اليوم من 12 لين 3، غسلتك بـ15 بدل 25».
- يختار له العملاء الأنسب: اللي جوا قبل في نفس الأوقات، واللي غابوا عنك.
- العرض ينطبق عند الكاشير على اللوحة تلقائياً، في ساعاته بس.
- تشوف كم سيارة جات من العرض، وكم دخّلت لك.
وقت الزحمة: طبلون ينظّم الدور
- الطابور على الشاشة: كل سيارة وحالتها والعامل اللي عليها.
- العميل يحجز وقته من رابط محلك، فما يتكدسون كلهم على المغرب.
- العميل يعرف قبل لا يجي: رابط محلك يقول له الانتظار الحين كم دقيقة، والحاجز يوصله تنبيه لو تأخر دوره.
- «سيارتك جاهزة» توصله على الواتساب، فما يوقف ينتظر قدام العمال.
- شاشة الدخول تقول له «دورك بعد 3 سيارات».
تعرف كم سيارة دخلت محلك وأنت في بيتك
في أي محل فيه كاش وعمال، فيه فرق بين اللي دخل واللي انسجل. طبلون يطلّع لك هالفرق كل يوم، وأنت في بيتك.
سيارة دخلت وما لها فاتورة
الكاميرا شافتها 4:12 العصر، والكاشير ما سجّلها. تعرف في نفس اليوم، مو آخر الشهر.
سعر الجيب، وتسجيل سيدان
الفرق اللي يروح في الجيب، يطلع لك.
سيارة بعد التسكير
دخلت سيارة 1:40 الفجر والمحل مقفل؟ يوصلك تنبيه على طول.
المحل فتح متأخر
أول سيارة دخلت 10:40 والدوام يبدأ 8. تعرف بدون ما تسأل أحد.
قطع انشرت وما انفوترت
للورش: 4 فحمات في فاتورة المورد، و2 بس في فواتير العملاء.
لكل نشاط، اللي يفرق معه
سيطر على زحمة المغسلة، واعرف دخل كل عامل
- عدّ السيارات ومطابقتها بالفواتير، ودخل كل عامل، وتقرير آخر اليوم على جوالك.
- اشتراك شهري على اللوحة: المشترك يدخل وتنسجل غسلته بدون كاش.
- عروض الظهر، ورسالة لعملائك بعد موجة الغبار.
- حسابات الشركات: شركة تأجير تعطيك قائمة لوحاتها، وفاتورة وحدة آخر الشهر.
ضمانك على لوحة السيارة، مو على ورقة تضيع
- شهادة الضمان توصل العميل على الواتساب، وتبان لك أول ما ترجع السيارة.
- تذكير مراجعة النانو في وقتها، باسم محلك.
- الفلم المصروف لكل سيارة، مقارنة بالمتوقع لموديلها.
- عربون الحجز، ومتابعة عروض الأسعار الكبيرة.
- وش يحتاج مركز التلميع والتظليل من النظام
الفني يصوّر الخراب، والعميل يوافق من جواله
- الفني يصوّر، والعميل يعتمد ويدفع من الواتساب قبل الإصلاح، مثل ما تنص لائحة ساسو.
- الشغل اللي أجّله العميل يرجع لك بتذكير في وقته.
- كتيّب صيانة لكل سيارة يحفظ ضمان الوكالة.
- «زيتك يخلص بعد 800 كيلو»: تذكير على مشي السيارة الفعلي، مو على التاريخ.
- نظام الورشة والفحص المصوّر · مراكز الزيوت والكفرات
لكل سيارة ملف، وصاحبها يشوفه من جواله
كل زيارة وفاتورة وضمان وتذكير، في ملف واحد ينفتح من اللوحة أو رقم الجوال. والعميل يوصله رابط «سيارتي»، ولما يبيع سيارته يعطيه المشتري.
الملف ما ينفتح لمحل ثاني إلا بموافقة صاحب السيارة.
لكزس LX البيضاء · 1234 ABD
العتاد الذكي اللي يعطيك السيطرة
طبلون يشتغل على جوالك أو آيبادك من أول يوم. ولما تبي عين ما تغفل على محلك، تضيف العتاد اللي يناسبك:
جوال أو آيباد
الكاشير والتقارير، وتقرير اليوم يطلع من الفواتير.
كاميرا عدّ السيارات
تعدّ كل سيارة تدخل، وطبلون يطابقها بالفواتير.
كاميرا قراءة اللوحات
تعرف السيارة من لوحتها، وتفتح ملفها وشاشة الترحيب.
وشاشة الترحيب أي تلفزيون ذكي عندك. ما نبيع كاميرات: نعطيك الموديل، وتركّبها عند فنّي مرخّص. والفيديو يبقى عندك. التفاصيل في دليل كاميرات اللوحات.
الأسعار
الفاتورة الإلكترونية والولاء من أول باقة. ادفع شهري أو سنوي، وبدون حد لعدد العمال. وتجربه 14 يوم مجاناً بنفسك.
الأساسية
- الكاشير من الجوال أو الآيباد، والفاتورة الإلكترونية
- الولاء: أختام أو نقاط أو كاش باك
- ملف لكل سيارة باللوحة أو الجوال
- المصروفات والأرباح والإقرار الضريبي
- الرواتب وإقفال الوردية
- تقرير آخر اليوم على الواتساب
العدّاد
- كل اللي في الأساسية
- ربط كاميرا عدّ السيارات
- مطابقة السيارات بالفواتير وتنبيه السيارة بلا فاتورة
- الاشتراكات الشهرية
- رسائل العروض والتذكير
الطبلون الكامل
- كل اللي في العدّاد
- قراءة اللوحات بالكاميرا
- شاشة الترحيب باسم العميل
- الفحص بالصور واعتماد العميل للورش
- الضمان الرقمي للتلميع والتظليل
الفرع الإضافي بـ99 ريال شهرياً في أي باقة.
أسئلة أصحاب المحلات
وش هو طبلون؟
طبلون نظام ذكي متكامل لإدارة مغاسل السيارات ومراكز خدمة السيارات في السعودية، من التلميع والتظليل إلى ورش الصيانة. يغطي خمسة أشياء في نظام واحد: التشغيل (الكاشير وملف لكل سيارة ودخل كل عامل)، والحسابات (الفاتورة الإلكترونية للمرحلة الثانية والمصروفات والأرباح والإقرار الضريبي والرواتب)، والولاء (أختام ونقاط وكاش باك واشتراكات شهرية على لوحة السيارة)، والسيطرة (تقرير آخر اليوم على جوالك وإقفال الوردية)، والأمان (كاميرات ذكية تعدّ السيارات وتطابقها بالفواتير). باشتراك واحد للفرع.
وش الذكي في طبلون؟
يعرف السيارة من لوحتها بكاميرا قراءة اللوحات، ويعدّ السيارات بكاميرا ذكية ويقارنها بالفواتير، وينبّهك على اللي ما يركب: سيارة بلا فاتورة، أو سيارة دخلت بعد التسكير. ويعرف عادة كل عميل، فيذكّره قبل ما يغيب، ويحسب موعد تغيير الزيت من مشي السيارة الفعلي.
وش الفرق بين طبلون وتطبيقات الولاء؟
تطبيق الولاء يعرف إن العميل جا، واشتراكه السنوي في حدود 1,500 ريال. طبلون فيه الأختام، ومعها الكاشير والفاتورة الإلكترونية، والمصروفات والأرباح، وعدّ السيارات اللي تكشف الغسلة اللي ما انسجلت. الباقة الأساسية بالدفع السنوي 1,490 ريال.
كيف يساعدني طبلون في الأوقات الميتة ووقت الزحمة؟
في الوقت الميت يطلّع لك ساعات الركود من شغلك الفعلي، ويرسل عرض للعملاء المسجلين في هالساعات بس، والعرض ينطبق عند الكاشير على اللوحة تلقائياً، وتشوف كم سيارة جات منه. ووقت الزحمة ينظّم الطابور على الشاشة، والعميل يحجز وقته من رابط محلك، ويعرف الانتظار كم دقيقة قبل لا يجي، ويوصله «سيارتك جاهزة» على الواتساب.
كم سعر طبلون؟
يبدأ من 149 ريال شهرياً للفرع. باقة العدّاد مع ربط كاميرا عدّ السيارات بـ249 ريال، والطبلون الكامل مع قراءة اللوحات وشاشة الترحيب بـ399 ريال. الدفع السنوي بسعر 10 شهور، والفرع الإضافي بـ99 ريال شهرياً، وبدون حد لعدد العمال. وتقدر تجربه 14 يوم مجاناً.
هل في طبلون محاسبة؟
فيه الحسابات اليومية اللي يحتاجها المحل: المصروفات بتصنيفاتها وصور فواتيرها، وملخص الأرباح، والإقرار الضريبي جاهز يطلع Excel للمحاسب، وإقفال الوردية والدرج، ورواتب العمال. القيود المحاسبية الكاملة ودفتر الأستاذ يمسكها محاسبك من الملف اللي يطلع له.
هل أحتاج كاميرا عشان أستخدم طبلون؟
لا. تبدأ بدون كاميرا، والكاشير يسجّل اللوحة أو رقم الجوال. الكاميرا تضيف العدّ: كاميرا عدّ السيارات حوالي 330 ريال، وكاميرا قراءة اللوحات حوالي 3,100 ريال، وتشتريها وتركّبها عند فنّي مرخّص.
كيف يكشف طبلون سرقة الكاش في المغسلة؟
الكاميرا تعدّ كل سيارة تدخل، وطبلون يقارن العدد بفواتير الكاشير. أي سيارة دخلت وما لها فاتورة يوصلك وقتها على الواتساب في نفس اليوم، ومعها لوحتها إذا كانت الكاميرا تقرأ اللوحات.
هل يطلّع طبلون فاتورة إلكترونية متوافقة مع هيئة الزكاة والضريبة والجمارك؟
نعم. الفاتورة الإلكترونية للمرحلة الثانية (الربط مع منصة فاتورة) في كل الباقات، وتوصل العميل على الواتساب.
هل ينفع طبلون لورشة صيانة أو مركز تظليل وتلميع؟
نعم. الورشة يكون عندها فحص بالصور يعتمده العميل من جواله، ومتابعة الشغل اللي أجّله، وكتيّب صيانة يحفظ ضمان الوكالة. ومراكز التلميع والتظليل عندها ضمان رقمي على لوحة السيارة، وتذكير مراجعة النانو، وحساب الفلم المصروف لكل سيارة.
هل تشوفون فيديو كاميرات محلي؟
لا. الفيديو يبقى عندك في المحل. يوصل طبلون رقم اللوحة ووقت الدخول بس، لأن نظام كاميرات المراقبة الأمنية في السعودية يمنع نقل التسجيلات بدون موافقة.